बैंक ग्यारेन्टी बुझाएर रवि हिरासतमुक्त

रविले अदालतबाट निस्किँदै सम्मानित अदालतले न्याय दिन्छ भन्नेमा विश्वास रहेको बताए । यो परिवर्तनको प्रसवपिडा भएको उनको भनाइ छ ।

उनले अदालतमा बयान गर्दा आफू निर्दोष रहेको भनी कसुर इन्कार गरे पनि अहिले नै कसुरमा संलग्नता नरहेको भनी भन्न सकिने अवस्था नरहेको अदालतको आदेशमा उल्लेख छ।

यसअघि कास्की, काठमाडौँ र रूपन्देही अदालतले पनि उनीसँग ६५ लाखदेखि १ करोड रूपैयाँसम्म धरौटी मागेका थिए। अहिलेसम्म उनले अदालतमा बुझाएको कुल धरौटी रकम २ करोड ७९ लाख पुगेको छ।

अब उनीविरूद्ध पर्सा जिल्ला अदालतमा सानो पाइला सहकारी ठगीसम्बन्धी मुद्दा चलाउने तयारी छ।

उनी जीबी राई नेतृत्वका ५ वटा सहकारीको रकम संगठित तवरले ठगी गरेको अभियोगमा मुछिएका छन्।