शिवांशी खड्का
चुरोट, बिँडी, हुक्काले फोक्सो कालो पार्दछ
थाहै नपाइ लत बसि क्यान्सर बनाइ मार्दछ
विस्तारै विस्तारै शरीरमा बढ्दै जान्छ रक्तचाप
चुरोट सेवन गर्नेलाई हुन जान्छ हृदयघात ।
चुरोट खाने बानीले आयु छोटो पार्नेछ
रोग लागेपछि सम्पतिको नाश गर्नेछ
धुम्रपानको धुँवाले वातावरण दूषित पार्दछ
गर्भवती महिला र बच्चालाई असर गर्दछ ।
मृत्युलाई किन बोलाउनु चुरोटको खिल्ली बोकेर
सुर्तीजन्य पदार्थले बाँच्नुपर्छ खोकेर
महिला पुरुष भन्दैन, बच्चा वृद्धा देख्दैन
जीवनलाई प्रेम गर्नुहोस् उपचारले नि छेक्दैन ।
चुरोटको धुँवाले सधैँँभरि सताउछ
नटेरी बसे यमराजले अन्तिम पत्र पठाउछ
फोक्सो, मुटु कलेजो, आँखा दाँत, दिमाग
असर गर्छ हामीलाई अब जाग न जाग ।
आयु घट्छ दुई महिना चुरोट खाँदा वर्षमा
अहिले गर्नुस् अठोट, बढ्नेछ आयु हर्षमा
धुम्रपान कहिल्यै नगर्ने गरौँ अब संकल्प
स्वस्थ जीवन जिउने भए अपनाउनुस् विकल्प ।
जीवन सित्तैमा आउदैन चुरोट सेवन नगरौँ
आफू र आफ्नो परिवारको स्वास्थ्यको पनि ख्याल गरौँ ।
नतोकौँ भाका भोलीलाई आजै छोड्नुस् सुर्ती
केही दिनमै थाहा हुन्छ तपाईँको शरीरको स्फूर्ती ।
जिम्मेवारी सबैको स्वस्थ समाज बनाउने
धुम्रपान विरुद्ध सचेतना फैलाउने
बालबालिका अभिभावक मिली गरौँ हातेमालो
स्वस्थ समाज बनाउदै धुम्रपानको फालौँ जालो ।
नाम – शिवांशी खड्का
कक्षा – ४
विद्यालय – बागमती बोडिङ्ग सेकेण्डरी स्कुल, सुकेधारा काठमाडौं
प्रतिक्रिया